أبشركم أمي خطبت لي نانسي هههههههه

[هولاكو]

السلام عليكم

هذي سالفتي يوم جيت اخطب



في يومن من الأيام وانا اقلب في المجلات الفنيه واتفرج على الصور الي كل وحدتن احلي من الثانية شفت صورة ( نانسـي بنت عقرم )كعيت فرامل وقعدت اناظرها وخذت ربع ساعه يمكن وانا اتمقل فيها
همن قلت مابدهاش وانا اليل انادي امي........
ماسمعتني واصرخ بكل صوتي يمممممممممممممه..................
مادريت الا هاليد اللي على دمجتي..وش تبي طررربقق
انا : خلاص ضيعت السالفه اذا ذكرت ناديتك
قالت اميمتي : الحمد لله والشكر..الله يشفيك وجت بتطلع
يوم جت بتطلع صرخت يمممممممه..............
التفتت على امي وقالت تراك ازعاج وش تبي ؟؟؟؟؟؟؟؟؟

قلت لالالالالالالالالالالا ابيك بموضوع مهم وخطير انا اتخذت قرار ومانيب راجعن عنه ابد ابد ابد ولا افكر بعد ابد ابد ابد

امي : وش قررت اخلص
انا:ابي اعرسسسسسسسسسسسس
ردت امي سريع : وقالت عاد من زينك هالحين ولا من زين طبايعك علشان تتزوج خلك لين تكبر بعدين نتفاهم
وتخلص الجامعه ويصير خير
انا يماااااااااااااة حرام عليكم انا مسكين ماغير اطالع هالصور واتعذب
ولا مانيب ولدكم يعني
وقعدت ابتسي واعصر دموعي وما نزل الا دمعتن وحدة 00دموع التماسيح
اميمتي خلاص انا قررت اتهور وازوجك بس بنت من اللي تبيها

انا : بنت عقــرم ....
اميمتي : منة عقـــرم .....

انا قصدي ابيك تشوفين لي وحدتن تشبة نـانسي لحظة خليني اشق لتس
صورتها من المجلة والله واشق صورة نانسي وقلت لها هااك هذي هي ابي نفس المواصفااات

اميمتي : خلاص بكرة فية عرس لولد جاركم محيميد 00بشوف لك فية بنت مزيونه ونشوف عااد

جاء بكرة>> حلووه
وصلت امي للقصر انا عاد اول مرتن انتظر جيتها بكل شووق وحنيين وراحت العرس 00000
بعد ساعات طويلو من الانتظار جاءت امي
وقالت : مبرووووووووووك لقيت طلبك وخذيت رقم امها 00000

دقت عليهم اميمتي في اليوم الثاني 00000ردت البنت وانا ملصق اذني في
السماعة ابي اسمع صوتها علطول اميمتي مسكت سلك التلفون ولشطتني على ظهري عشان اضف عنها وتعرف تحتسي00رحت للصاله وانا ماغير تخيلات وتفكير واحلام
جت اميمتي تزغرررت وتقول مبرووك وافقو مبدئياا 00فرحت بالخبر وانتظرت اليوم
الموعود وانا اغني ( نحمد الله جت على ماتمني )

رحت للحلاق وقلت لة صنفره كامله الله لا يهينك وجت اميمتي بالطيب والبخور وقرت على المعوذات .... همن رحت لأبو نسب عشان يشوفوني واشوفهم

رنيت الجرس وفتح اخوها الصغير وكان دبببببببببببب شكله بريئ مرره
قال لي بلهجه غريبه ... من انت ؟؟؟؟... ؟؟؟؟
قلت له علطوووول : عيب يا بابا انا بصير زوج اختك
مامداني اقول هالكلمه الا هو يتلحووس ويزررق داخل البيت
واسمعة يصارخ ويقول والله ما ياخذ اختي هو وجهه ذا اللي تسنه خبزة تميس

فكرت في الولد اللي فضحنا لا بارك الله فية
قلت بنفسي بروح للبيت وبرجع باتسر على اني مشغول ولا قدرت اجيهم
عشان ما اتفشل بعد ويصير وجهي الوان خشبيه ام ريالين
دربيت دمجتي للسياره ومامداني اطلع المفتاح بفتح الباب الا ابوه جاي وماسكني مع غالوقتي ( قلابي الثوب خخ) وقال وش عندك يابو الشباب

فقلت لة بصوت عالي يملأة الحزن انا الخطيب
استقبلني زين ودخلني المجلس المجلس
قام يحقق معي وش معك شهادات وخبراتك وكم عمرك ومن هالحتسي
وانا ماغير اتصبصب عرقققق من رهبة الموقف

واحنا نسولف انا وابوها دخل الدب البرييئ ( يا ان ماهظمته ) ويمد لسانة ويقول والله ما تآخذ اختي
طالعت ابوهم بنصف عين وقلت: ركد ولدكم والا بتصير علوم
فقال له الابو : انزلع لابارك الله فيك يالحمار...فشلتنا قدام ابو نسب
قلت بنفسي ( ... يستااهل ماجاه هالدب., ياحلات من دخله العسكريه وكرفوه لين يعض الارض)
قال الأبو : ماودك تشوف البنيه
قلت اجل جاين اشوفك انت والا ولدك الدب

راح ابوهم داخل البيت وجاء الدب وهو يصارخ ويمد لسانة ناديتة وقلت تعال يا شاطر

>>> مسوي عاقل انا ولا ناوي العن سلسفيله بس بعديين اوريك انا
قلت له تعال ياشااطر بعطيك ريال وتكفيني من شرك قال خلاص 0000اخيرا صرفتة وافتكيت منة

يوم دخلت البنيه وهي مستحيه وخجووله انا علطول عيوني على الارض وارسم
باصبع رجلي الكبير دوااائر يعني اني خجووول ( ومنااك مافيه اقوا مني وجه )

قعدت جنبي وقالت : السلام عليكم
يوم رفعت دمجتي عشان ارد عليها السلام توقفت الكلمة ببلعومي ( نشبت )وماعاد قدرت اكمل

وشلون وانا اشوف اشين واقبح وابيخ واكبر واضخم واسمن ووو... انسانه على هالارض
ذكرتني بزكيه زكرياا ( وععععععع ) 0000فقلت في نفسي الزواج ما والله يحصل
لاابوها ولا ابو ووووووو من يتزوجها 00000هذي الدبة يبغالها اثنين يقطون
ويتزوجونها فكرت وقعدت احك خشمي>> لاحظوو
وشلون اخلي البنت تقول لأمها مابييه مابييه معقد معقد

فقلت للوحش ( البنت ) انا عندي شروط
قالت لي أمرك : قلت انا صاحب مخمخة خاصتن تالي الليل
لاتستغربين اذا دبجتك على بطنك تالي الليل وانتي نايمة وقلت لك قومي صلحي لي معسل والراس ابية يكون ثلاث جمرات من الصغار والماء ما تتعدا النص ومعها ثلج

فقالت لي والابتسامة تعلو خشتها :ابشر بس عليك بالمعسل التونسي والبحريني
تراها زينه وطعمها حلو وتمخمخ عليها (طلعت خبيرة وراعية معسل بعد) هههههههههههههههه
قلت لا واحيانا تكون شيشة 00قالت تبي اولع لك الرأس والا انت تحب تولعه
ههههههههههههههههههههههههههههههههههههههههههههههههه


دخل ابوها واول كلمه قلت لة انت اسكت لا اسمع صوتك00 بيتكلم فصخت عقالي

بديت اتمردغ ببطنه ( تشويه لسمعتي )عشان يطردني من بيته ومردغته مثل ما مردغهم الخليوي في كاس العالم في فرنسا وانطرد بسبتهاا
( لا ويعابط الحكم ويقول ما سويت شئ )

ويوم طلعت لقيت الولد الدب فوق سيارتي وانقز عليه والعن سلسفيله مثل ابوه
( عاد انا حاقد علية من اول ) وخذيت منة الريال حقي

ويوم شغلت السيارة اسمعة يقول انقلع انت وجهك
نزلت لة وتوطيت ببطنه ( السر لعبت فيه مصاقيل ) الا ابو البنت يصرخ تعاااال سو اللي تبي
بس خذها موافقين كككككككككككككككككككككككككككك

ركبت سيارتي وجيتك سافط الطبلون للبيت
لقيت اميمتي على زلفة البيت ( الدرج) وفي روايه اخر درجه
قلتا لأميمتي هذي تشبة نانسي ؟؟؟
وش مسوي لك تبي تذبحيني والا تبي
تتخلصين مني اكيد ما تحبيني

قالت هذا طلبك وانا امك

نفس اللي بالصوره اللهم اختلاف بسيييط
وهذي هي الصوره خذها
هذا جزاي اتعبلك انت ووجهك

خذيت الصوره بسرررعه وطاحت عيوني عليها

اثرني قاص صورة بنت عقرم من الجهه الأولى


والجهه الثانية صورة وحدة من افريقيا لرفع الاثقال

او انها ان ماخاب ضني مصارعه وزنها 340كيلو جراهام فيل او اكثر

وامي تحسبها هي اللي طلبتها
بغيت اروح فيها بس الله ستر



عاد انتبهو ياشباااااب
مايستفاد من القصه :
1/ الطمع موب زين وانا اخوكم...دور لك وحدتن فيها من جمال الله عادي
2/ اذا وصبت اميمتك على شي خلك دقييق..لانهم قلبه قلبه--> مايدققون واجد
3/ قبل تتزوج اي بنت اختبر اخوها..اذا هو حقنه انحششششششش
4/ لايهمك الجمال بقدر الاخلاق =-> افلقوني
ترا هالموضوع بدون صور عشاني كاتبه وانا صايم
=-> تراك ناصبن بالقصه لا تفلها ههههههههههه
تحياتي لكم