الزوجه ( أول سنه ) وبعد 10 سنوات

[(^^& محمد &^^)]

بسم الله الرحمن الرحيم

[size=5]من زمان عليكم أنا ومواضيعي التي تشتق انفاسكم الى أخشاكم كي تلقيها الى مابعد خشتكم ايقونة9


اليوم ياحلوين بعطيكم دروس مجانيه عشان تعرفون

المرأه <=== اللهم لا اعتراض

من اول ماتتزوج

وبعد عشر سنوات


يالله بسم الله


الفرق بين المرأه في

السنه الاولى من الزواج

والسنه العاشره

تشير
الساعه الى 6:30 صباحا

تودع زوجها وهو طالع للعمل وتقول له بالسلامه يا حبيبي

الساعه 11 صباحا

تتصل عليه في العمل وتقول له حبيت اسمع صوتك بس يا

عمري

الساعه 3 العصر

تستقبله وهو متشيكه وتبوسه وهو داخل للبيت وتقول له

الغدا جاهز يا حياتي ..تحب احطه لك الحين ؟

الساعه 5 العصر

تصحيه من النوم ببوسه وتقول له اعمل لك شاي يا حبي ؟
الساعه 6 المغرب

تسبل عيونها وتقول بكل خجل يا ريت يا حبيبي .. يعني لو

ما عليك كلافه .. يعني اذا تقدر توديني شوي لبيت اهلي

اذا كنت تقدر يا عمري وقبل ما ينطق بكلمه ( اذا ما

تقدر خلاص مو لازم ) وطبعا يضيع هو في نظره من عيونها

ويوديها لاهلها ولو انهم ساكنين وين ماكانوا

الساعه 8 بالليل

تتصل على الجوال وتقول ( اشتقت لك يا عمري .. يا ريت

تمرني ونروح للبيت ) وطبعا هو عارف وش بيجيه في البيت

فيطمر ويقول للشباب اسف والله يا شباب راسي مصدع ولازم

امشي

الساعه 10 بالليل

تجلس في حضنه وتقول ( الله يا حبي تتذكر ؟ تتذكر ايام

الخطوبه لما كنت تعمل المستحيل عشان تشوفني ..وانا يا ما

كذبت على ابوي وقلت له اني طالعه مع امي وانا اصلا متفقه

مع امي عشان اطلع معك )

الساعه 11 بالليل

الوصول الى هذه الصفحه غير مسموح … بأمر من الاداره…….الخ ايقونة 4

[(^^& محمد &^^)]

بعد مرور عشر سنوات

الساعه 6:30 صباحا

هي في سابع نومه

الساعه 11 صباحا

هي برضه في سابع نومه

الساعه 3 العصر

تستقبله وهي نافخه خشتها وتقول ( شف لي حل مع ولدك علي

هذا ..حتى الان ما حل الواجب .. وبنتك الله ياخذ عمرها

انشاء الله شاقه مريولها في المدرسه …عطني فلوس لازم

اروح اشتري لها واحد غيره … وولدك يبي علبة هندسه تو

انه يقول لي يوم ان الاختبار صار بكره … وترى بنتك الهبله تعنقلت مع الدرج وهي كانت في المشايه … والظاهر انها

تعورت …كله من هالشغاله الله يا خذها ….اسمع يا انا يا

هالشغاله في هالبيت ….ابيك اليوم تسفرها ما ابي اشوفها

وابيك بسرعه تقدم على وحده ثانيه ….وما ابيها تصير

حلوه …..يا ويلك لو صارت حلوه …..وبعدين شغالتي ابيك

تشرط عليها اذا سفرتها ما عاد تشتغل عند احد ….عشان ما

تقول اسرار بيتنا للناس الي تشتغل عندهم ( ما تدري ان

اسرار بيتهم كلها عند الجيران من لسانها هاللي وش طوله )

و …و …..و

الساعة 5 العصر

هي تفك هوشه بين بنتها واخوها ويصحى هو على صوتها وهي

تهاوش وتدعي عليهم بجميع الامراض الخطيره الحديث منها

والقديم ( جعلكم للطاعون …جعلكم للحمى …جعلكم للوادي

المتصدع …جعلكم للحمى القلاعيه …والايدز ..الخ )

الساعه 6 المغرب

هو جالس يشرب الشاهي وهي تقول ( نبي نروح لامي بتجيهم

بنت خالة جد ولد عم ابوي ..وبعدين نبي نروح نشتري للبنت

مريول ..وبعدين بنت عمي والده ولازم اروح اشتري لها هديه

من باتشي و ابي امر على المشغل ..وبعدين حطنا عند اختي


وفي هاللحظه فكر هو انه يشتغل ليموزين احسن له ايقونة6

الساعه 8 بالليل

تتصل على الجوال ( وينك فيه ؟ وبعدين وين بتروح ؟ ومنهو

الي معك هذا ؟ ووش بتسوون ؟ ومتى بتجي ؟ لا ما فيه الساعه

تعال الساعه 10 )

الساعه 10 بالليل

جالسين هي وياه عند التلفزيون ..اخيرا هدوء ..والعيال

نايمين ..والجو جميل ..وفجأه تطالعه وهي ماده بوزها

وتقول ( الحين امك وش عندها اليوم ما ترد يوم اني سلمت ؟

هاه ؟ ) ( والله ما ادري كان سالتيها ) ( واختك وش

هالحركات الي مال أمها داعي …ليش عازمه الجيران وكل حريم

اخوانك الا انا ؟؟؟ لكن هين والله لاسوي عزيمه وما

اناديها …اصلا هي ما زارتني في المستشفى يوم اني ولدت

وانا فاهمه قصدها ..لكن هين ..والله لو تحب السما مانيب

زايرتها اذا ولدت ……وبعدين بنات عمك وش عندهم نافخين

عمرهم ؟؟ على ايش ابي افهم ….على جمالهم الزايد اللهم لك

الحمد بس ) تسكت شوي بعدين تقول ( وبعدين اختك نوره يوم

انها تقول ان علي ولدي يشبهني ما يشبه ابوه وش قصدها

هاه )

ملاحظه : علي هو أقبح اخوانه

انا فاهمه قصدها

وتراها اذا ما بطلت هالحركات والغمز واللمز تراني

ابسمعها كلمتين واخليها تحترم نفسها …..لا وذاك اليوم

تقول اخوي محمد ( الي هو الزوج ) حلو مره و3 من حريم

الجيران قد خطبوه لبناتهم ….من زينك بس ما ادري وش لاقين

فيك ) ايقونة10. يسكت وما يرد , تسكت هي ثم تقول ( وبعدين اخوك

شاري لحرمته ساعه قيمتها عشرين الف ريال ) يرد ( طيب وش

المشكله ؟ ) ( وانا ليش ما تشتري لي ..والا انا ما

استاهل ..ولو هي يعني احسن مني … بلاك ما شفتها ..شينه

وطبايعها شينه وحتى طبخ ما تعرف تطبخ ) ( خلاص اشتري لك

ساعه ) تعصب وتقول ( ايه تسكتني بهالكلام ….والله لانت

شاري ولا شي ) ( وش تبيني اقول يا بنت الحلال ؟ ) تقوم

وهي تبكي خلاص ما ابي منك شي !

الساعه 11 بالليل

هي زعلانه ونايمه مع العيال

وهو يتحسف على اليوم الي تزوج فيهايقونة7 [/size]
ايقونة5

[حلا*]

ههههههههههههههههههههههههههه استغفرلله .... برضو الرجال كدا يصيرو ...


اومال حيجلسو رومانسيين لين اخر يوم في حياتهم .....


هههههههههههههه بس مره تضحك ....


شكرا يا محمد يالله عقبال ما احط موضوع عن الرجل ....

[-=( مداوي الجروح )=-]

ههههههههههههههههههههههههههههه الله يرجك يا محمد ، موضوع دقيق ومفصل ..

تحياااااااااااااااااتي لك

[حلا*]

ههههههههههههه من جد كان عزمتنا عندهم نروح نشوف القصه على الطبيعه


هههههههههه بمزح

[(^^& محمد &^^)]

حلا

الله يستر منك

شكلك من اول يوم بتوري المسكين نجوم الظهر

<======= جالس خايف من رد حلا

[(^^& محمد &^^)]

هذا ياحبيب ألبي <====== قلب لبناني هو ووجهه

عشان تاخذ خبره ويكون عندك معلومات لاتتفاجأ

[حلا*]

نعم نعم نعم انت بتقول عليا دا الكلاااام ..... انا حلا تعرف يعني ايش حلا يعني اسلوبي حلا

وتعاملي حلا .... هااااااا فهمت

[(^^& محمد &^^)]

ايقونة10.

ايقونة7

هلا حلا

كيفك شخبارك

وين ايامك


الله يخليك لا بس حبيت اسلم

[حلا*]

هههههه ايوه كدا ما تمشي الا بالعين الحمرا

[(^^& محمد &^^)]

هلا حلا

ليه انا قلت اي شي

انا جالس في حالي ولحالي

[حلا*]

باااااااااااااااااااااااين

[ابو رعد]

يعطيك العافيه اخوي

[دنيا الروتين]

هههههههههههههههههههههه بس على فكره انتو ازيد فتره الخطوبه حبيبتي ليه مادقين وسنه الاولى من الزواج لعنت الله عليش ليش داقه توني طالع صج انكم ماتنعطون وجه لاشوفش تدقيقن مره ثانيه

[مؤمن]

الحمد لله انا لسة عازب
مشكور محمد