شرح نظرية أزحف تنحف

[(^^& محمد &^^)]

أزحف تنحف


شوفوا أول شي ياتكملوا قراءة الموضوع كله ولا لا تتعبوني في الكتابة


الظاهر أنكم سمعتم بالعبارة الشهيرة أزحف تنحف .... ويمكن البعض يضنها مزحة او نكته

ولكن في الحقيقة هي أخر صرعة وموضة للرجيم في العالم والمعمول بها في أمريكا وأوروبا

من سنين وأثبتت نجاحها بجدارة ..


والحين أكيد فيه أعضاء في المجموعة دببه ويبغوا يعرفوا هذا الرجيم ..
علشان كذا أنا قررت أني أنقل لكم الرجيم من النسخة الأمريكية إلى النسخة السعودية
وطبعاً راح يكون فيه تبديلات بين النسختين يعني مثلاً راح تشوف أنه موجود في النسخة العربية

شاهي وهي تقابل في النسخة الأمريكية ويسكي ، وراح تلاقي سوبيا وهي موجودة في النسخة

الأمريكية جعة (( بيرة يكحول يعني )).... إلى الرجيم :

اولاً

في هذا الرجيم لازم تنزل الثوب وتلبس ملابس رياضية .. طبعاً الملابس الرياضية

لا زم تكون دقة قديمة .. شف إذا لك أخو عنده ملابس رياضية قديمة حقت وزارة المعارف

على طول ألبسها .. أو روح إلى سوق باب مكة وأشتري ملابس رياضية (السروال لون اخضر

والفنيلة لون أحمر ومخطط با أبيض) ..


ثانياً

فطور وأكل في المطاعم والبيت ما في ..
شوف لك كم عمارة تنبنى .. وأنتظر لما يخلصون العمال من فطورهم وأكل الباقي ..
طبعاً ما فيه مانع تغير في الفطور .. يوم فطور هندي ويوم غذاء أفغاني ..
بعد الأكل .. لقط الزقاير المرمية على الأرض .. واشربها .. ولا تنظر لنوع

الدخان مالبورو او دخان هندي عادي



ثالثاً

رجيم أزحف تنحف الموجود في النسخة الأمريكية فيه ركض وتسلق جبال ... وعلشان مافي

عندنا جبال فيه اندية للتسلق . أعمل التالي ..
أذا مرت دورية في الحارة أرجمها بالبيض وحط رجلك ..
وحط لك عشه حمام في السطح ... طبعاً الحمام أنتبه لا تشتريه .. أشتري لك حبال ودسوس

لون ابيض .. وتسلق السطوح ..



رابعاً

في النسخة الأمريكية من رجيم أزحف تنحف .. لازم يكون لعامل الرجيم صديقة او محبوبة ..

ويروح في غرام وتنسد نفسه عن العيشة والأكل .. علشان كذا عملنا تعديل .. يمكن أنك تقع في

غرام شغالة جيرانكم .. وترسل لها رسائل .. ولا مانع أنك تشتري لها بطاقة سوا علشان

تكلم اهلها .. وحاول تأخذ صورتها وتعلقها عندك في الغرفة .. وأذا جيت من

المدرسة .. تلحف بالبطانية وأجلس طالع صورتها ..



أنا كمان أقترح انكم تعملوا مثل السحالي أسف البنات زي الي جالسين

يسووه هذي اليومين

أول ماتشقشق بعارين الصباح يعملوا بعض التمارين الخفيفه

http://www.dm33.com/up/ar/10000000000000000.gif

وعند الالعصرية العالم نائمين لأنه وقت راحه وهذول يتعلمون ركوب الخيل

http://www.dm33.com/up/ar/20000000000000.gif


وفي أخر الليل

http://www.dm33.com/up/ar/30000000000000.gif


رئصني ياقدع


وفي النهاية أتمنى لكم رجيم موفق